İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 206 Hüküm no: 184 Orijinal metin no: [87-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karaköy Hamamcısı Memiş Ağa’nın depremde zarar gören menzilinin tamamen yıkılarak enkazının temizlenmesi Mîrahor kurbünde keşif Ma‘rûz, Sâdır olan fermân-ı âlîye imtisâlen kıbel-i şer‘-i şerîfden mürsel Mehmed Emin Efendi dâ‘îleri hâssa mi‘mârlarından Ebubekir ve İsmail Halîfeler ve sâir ümenâ-yı şer‘le Yedikule kurbünde Mîrahor mahâllesinden vâki‘ derûn-ı arzuhâlde mezkûr Karaköy Hamâmcısı Memiş Ağa’nın menziline varıp mu‘âyene eylediklerinde menzil-i mezbûr vukū‘ bulan zelzele-i azîmeden câr-ı mülâsıkı Hanna nâm zimmînin menzili üzerine on üç gün mürûrunda münhedim olup mesfûrun menzilinin ba‘zı mevâzi‘ini [münhedim] eylediğinden mâ‘adâ merkūm Memiş Ağa’nın menzilinin bâkiyesi dahi yine sâhib-i arzuhâl mesfûr Hanna zimmî menzili ile İstoyan ve Fanise Nasrâniye menzilleri üzerlerine yatıp ve tarîk-i âm tarafına meyl etmekle tûlen sekiz ve kadden yedi zirâ‘ mahâlli hedme muhtâc olduğunu mi‘mârân-ı mezbûrân ihbâr eylediklerinde mezbûr Memiş Ağa dahi mahâll-i mezkûru hedme ta‘ahhüd eylediğini mezbûr dâ‘îleri mahâllinde tahrîr ve gelip inhâ eylediği mübâşiri el-Hâc Süleyman Çavuş kulları iltimâsıyla huzûr-ı âlîlerine i‘lâm olundu. Emr ü fermân. Fî 27 Zilhicce sene 1179.