İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 216 Hüküm no: 200 Orijinal metin no: [92-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla İbrahim’in Yumurtacı Mustafa’da olan alacağı hususunda anlaşması Hukūk, 300 guruş Ma‘rûz, Sâdır olan fermân-ı âlîye imtisâlen arzuhâl ve derkenâra ba‘de’n-nazar sâhib-i arzuhâl Molla İbrahim arzuhâlinde mezkûr Yumurtacı Mustafa b. İbrahim ile terâfu‘larında derkenârda mezkûr yüz elli guruşdan ibrâsını inkâr etmekle mezbûr Mustafa derkenâr-ı mezkûrda edâsına müte‘ahhid olduğu iki yüz elli guruşun üzerine malından elli guruş dahi zam edip cem‘an üç yüz guruşu târîh-i i‘lâmdan kırk bir gün tamâmında edâ ve kat‘-ı nizâ‘ etmek üzere ta‘ahhüd ve edâsına hâzır bi’l-meclis sulbî kebîr oğlu Osman nâm kimesneye kefil olmağla mezbûr Molla İbrahim dahi kabûl eylediği rızâlarıyla tescîl olunup mübâşiri Ali Çavuş kulları iltimâsıyla huzûr-ı âlîlerine i‘lâm olundu. Fî 2 Safer sene 1180.