İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 216 Hüküm no: 201 Orijinal metin no: [92-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Ali’ye olan borcunu ödemesi hususunda Dizdariye Medresesi talebelerinden Halil Odabaşı’ya tenbihte bulunulması Medrese odası rüşveti Ma‘rûz, Dizdariye Medresesi’nde sâkin Molla Ali b. Hasan bundan akdem medrese-i mezbûrede talebeden olan Halil Odabaşı b. Ali ile mahmiye-i İslambol’da meclis-i şer‘-i şerîfde terâfu‘larında mezbûr Halil medrese-i mezkûreden hurûcu esnâsında sâkin olduğu nısf odası için benden rüşvet tarîkiyle altmış guruş alıp istihlâk etmekle hâlâ işbu yedimde olan fetvâ-yı şerîfe mantûkunca istirdâd ederim deyü ba‘de’d-da‘vâ ve’l-istintâk ve’l-ikrâr ber-mûceb-i [93] fetvâ-yı şerîfe meblağ-ı mezkûr altmış guruşun edâsıyla merkūm Halil ilzâm olunduğu bi’l-iltimâs huzûr-ı âlîlerine i‘lâm olundu. Fî 3 Safer sene 1180.