İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 218 Hüküm no: 204 Orijinal metin no: [93-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahudi Matatya’ya olan borcunu ödemesi hususunda Ahmed Ağa b. Mehmed’in mecbur bırakılması Matatya da‘vâ, 2700 [guruş] Ma‘rûz, Hâmil-i arzuhâl Matatya Yahûdî Çarşamba günü dîvân-ı âlîde ma‘kūd meclis-i şer‘-i şerîf-i enverde bölükât-ı erba‘a ağalarından arzuhâlde mezkûr Ahmed Ağa b. Mehmed ile terâfu‘larında mezbûr Ahmed Ağa’nın yedimde olan temessükü mantûkunca cihet-i karzdan mezbûr Ahmed Ağa zimmetinde dört bin beşyüz doksan dokuz guruşdan bâkī iki bin yedi yüz kırk bir guruş hakkım taleb ederim deyü ba‘de’d-da‘vâ ve’l-istintâk, mezbûr Ahmed Ağa cevâbında cihet-i mezkûreden bâkī müdde‘î-i mesfûr Matatya’ya zimmetinde iki bin yedi yüz kırk bir guruş deyni olduğunu ikrâr u i‘tirâf etmeğin mûcebiyle deyn-i bâkī iki bin yedi yüz kırk bir guruşun edâsıyla mezbûr Ahmed Ağa şer‘an ilzâm olunduğu mübâşir İbrahim Çavuş kulları iltimâsıyla huzûr-ı âlîlerine i‘lâm olundu. Fî 3 Saferi’l-hayr sene 1180.