İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 218 Hüküm no: 205 Orijinal metin no: [93-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdurrahman ve Halil’in, Mehmed aleyhindeki alacak davasından men olunmaları Men‘ Ma‘rûz, Anadolu’da Aydın Yenişehri kazâsına tâbi‘ Karacasu kasabası ahâlîsinden sâhib-i arzuhâl el-Hâc Abdurrahman ve Halil mahmiye-i İslambol’da meclis-i şer‘-i hatîrde ahâlî-i mezbûreden olup hâlâ Çukurhan’da sâkin arzuhâlde mezkûr el-Hâc Mehmed ile terâfu‘larında kasaba-i mezbûrede hâlâ voyvoda olan İsmail mezbûr Abdurrahman’ın üç yüz guruşunu ve mezbûr Halil’in yüz kırk guruşunu bi-gayrı hakkın almağla mezbûr el-Hâc Mehmed için sen nasb etdirmenle zâmin ol deyü tasaddî eyledikleri sebeb da‘vâsı mesmû‘a olmamağla mezbûrân bi-gayrı vechin mu‘ârazadan ba‘de’l-men‘ mezbûr el-Hâc [94] Mehmed dahi fî-mâ-ba‘d alâkası olmadığı voyvoda umûruna aslâ karışmamak üzere ta‘ahhüd eylediği talebleriyle tescîl olunup bi’l-iltimâs huzûr-ı âlîlerine i‘lâm olundu. Fî 6 Safer sene [11]80.