İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 230 Hüküm no: 223 Orijinal metin no: [101-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in kendisine itaat etmediğinden şikâyette bulunduğu eşi Ayşe Hatun’un evine döneceğini taahhüt etmesi Ne vechile zabt olundu. Ma‘rûz, Fenâî mahâllesinde sâkin arzuhâl eden el-Hâc Mehmed meclis-i şer‘-i hatîrde zâtı mu‘arrefe ve arzuhâlde mezkûre Âişe nâm hatun mahzarında mezbûre Âişe zevce-i medhûlün-bihâm olup benden mehr-i mu‘accelini istîfâ etmiş iken bana mutâva‘at etmeyip anası ve kız karındaşı ile bir menzilde sâkine olmağla hâlâ mahâlle-i mezkûrede tahliye eylediğim galakı başka menzilde benimle iskân olunması matlûbumdur deyü da‘vâ, ol dahi tasdîk edip lâkin veca‘-ı ayna mübtelât olmağla bir iki güne dek giderim deyü istimhâl eylediği sekiz gün mukaddem zabt olunmağla cerîdede mukayyeddir. Emr ü fermân hazret-i ulü’l-emrindir. Fî 11 Safer sene [11]80.