İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 232 Hüküm no: 226 Orijinal metin no: [102-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. İbrahim’in, evinin Mustafa b. Osman’ın evine olan zararını gidermesi Keşif der-kurb-ı Mehmed Ağa Ma‘rûz, Vârid olan fermân-ı âlîlerine imtisâlen kıbel-i şer‘-i şerîf-i enverden irsâl olunan keşif nâibimiz müderrisîn-i kirâmdan es-Seyyid Halil Efendi dâ‘îleri hâssa mi‘mârlarından Ahmed ve diğer Ahmed Halîfeler ve sâir ümenâ-yı şer‘le mahmiye-i İslambol’da Mehmed Ağa Câmi‘-i şerîfi kurbünde Derviş Ali mahâllesinde vâki‘ arzuhâlde mezkûr Anadolu kuzâtından es-Seyyid İbrahim Efendi b. es-Seyyid İbrahim’in mülk menziline varıp huzûr-ı Müslimînde akdeylediği meclis-i şer‘-i şerîfde menzil-i mezkûrun sokak aşırısı bir bâb menzile mutasarrıf olan sâhib-i arzuhâl es-Seyyid Musa Ağa b. Osman mezkûr İbrahim Efendi muvâcehesinde mezbûr İbrahim Efendi’nin işbu esnâda binâ ve ihdâs eylediği ulyâda vâki‘ odasının üç orta penceresinde ve sofasının iki direk arası camlarından hâlâ sâkin olduğum menzilimin makarr-ı nisvân olan odası penceresinde ve tasarrufumda olan üç bâb sagīr menzillerimin dahi makarr-ı nisvân olan odaları pencerelerine ve birinin kenîfi mahâlline havâle zarârı olmağın def‘ eylesin deyü iddi‘âsına binâen nazar olundukda fi’l-vâki‘ zikr olunan muhdes pencerelerden müdde‘î-i merkūmun vech-i meşrûh üzere makarr-ı nisvân olan mevâzi‘i görünüp havâle zarârı olduğu bi’l-müşâhede mi‘mârân-ı merkūmân ihbârlarıyla müte‘ayyin ve zâhir oldukda mezbûr İbrahim zikr olunan havâlesini def‘a ba‘de’t-ta‘ahhüd menzil-i mezkûru vüstâsından dahi mahâll-i mezkûra rü’yet olunan pencereleri havâlesini bi’t-terâzî kendi duvarını terfî‘ ile def‘a ta‘ahhüd eylediği mezbûr dâ‘îleri mahâllinde tahrîr ve gelip ümenâ-yı şer‘le inhâ eyledikleri bi’l-iltimâs huzûr-ı âlîlerine i‘lâm olundu. Fî 1 S sene [11]80.