İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 235 Hüküm no: 230 Orijinal metin no: [104-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Depremde zarar gören Mirasyedi dükkânı ve bitişiğindeki hanın tamir olunması Balıkpazarı hâricinde vâki‘ han ve dükkâna mutasarrıf olan Balaş ta‘mîre ta‘ahhüd. Ma‘rûz, Balıkpazarı hâricinde vâki‘ Mirasyedi dükkânı demekle ma‘rûf ma‘lûmü’l-hudûd bakkāl dükkânında ve kurbünde vâki‘ altı odalı handa müşâhereten müstecir olan Yanaki meclis-i şer‘-i hatîrde zikr olunan dükkân ve hana mutasarrıf olan Balaş v. Yanaki ile terâfu‘larında müstecir olduğum dükkân ve hân zelzeleden rahnedâr olup ta‘mîre muhtâc olmağla merkūm Balaş ta‘mîr etmemekle fesh-i icâre eylesin deyü ba‘de’d-da‘vâ ve’l-münâza‘a beynleri bulunmağla müstecir-i merkūm dükkân ve hanı işbu sene şehr-i Rebî‘ülevveli gurresinden bir sene tamâmına dek her şehr on dokuz guruşa isticâr ve kabûl ve bir senelik icâresi olan iki yüz yirmi sekiz guruşu merkūm Balaş’a peşîn verdikde ol dahi ahz u kabz edip gerek dükkân-ı merkūmu ve gerek han-ı mezkûru gurre-i merkūma dek ta‘mîr ve termîme ta‘ahhüd eylediği rızâlarıyla tescîl ve bi’l-iltimâs huzûr-ı âlîlerine i‘lâm olundu. Fî 11 S sene 1180.