İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 238 Hüküm no: 235 Orijinal metin no: [105-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Depremde zarar görmüş olan miri ambarda nemlenmiş olan şekerin Mısır Çarşısı attarları ile şerbetçi ve akideci esnafına dağıtılması Mîrî ambarda meblûl olan şeker esnâfa tevzî‘ oluna. Ma‘rûz Bahçekapısı hâricinde vâki‘ zelzeleden münşak olan mîrî anbar derûnunda bârân sebebiyle meblûl olan ocaklık şekeri siyâneten li’l-mîrî şekercilere tevzî‘ olunmak üzere Matbâh-ı âmire emîni arzuhâline binâen bundan akdem [106] sâdır olan fermân-ı âlîye imtisâlen sâbık defterdâr efendi telhîsi ve bu dâ‘îleri i‘lâmı mûceblerince tekrâr sâdır olan fermân-ı âlîleriyle Mısır Çarşısı attârları ve şerbetçi ve akīdeci tâifesine yetmiş yedi senesinde olduğu vech üzere rızâlarıyla on beş ay tamâmına dek üç taksît ile her kantarı on yedişer guruşa olmak üzere gümrük emîni ağa ma‘rifetiyle Matbâh-ı âmire emîni ağa yediyle esnâf-ı selâse-i mezkûreye tevzî‘ olunup ve kethüdâları kefâletiyle her sınıfın hissesine göre iktizâ eden bahası hesâb ve mukassatan teslîm-i Hazîne-i âmire olunmak üzere zimmet kaydolunmak için yedlerinden memhûr işbu defter ahz olunmuşdur. Fî 15 Safer sene 1180.