İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 249 Hüküm no: 250 Orijinal metin no: [113-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küreğe konulan Tarandafil ve Kornan’ın serbest bırakılmaları Kürekden ıtlâk Ma‘rûz, Arzuhâl eden Tarandafil ve Kornan nâm zimmîlerin sâdır olan fermân-ı âlîlerine imtisâlen kasabbaşı ağa kulları ma‘rifetiyle husûsları rü’yet olundukda derkenâr olunduğu vech üzere yetmiş dokuz senesi Recebi’nin ikinci gününden beri kürekde te’dîb olunduklarını mazbutü’l-esâmi kimesneler ba‘de’l-ihbâr fî-mâ-ba‘d kendi hâllerinde olup ol misillü töhmetde olmamak üzere nefislerine ve hîn-i mutâlebede ihtârlarına Edirnekapısı’nda mütemekkine Yorgi ve Zincirlikuyu’da Uncu Artin ve Dülger Tanaş nâm zimmîler kefil olup kefâletleri tescîl olunmağla mesfûrânın afv ve ıtlâklarını istid‘â eyledikleri ber-mûceb-i emr-i âlî huzûr-ı âlîlerine i‘lâm olundu. Fî 25 Safer sene [11]80