İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 260 Hüküm no: 265 Orijinal metin no: [119-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manol’ün Yorgancı Mehmed Said’e olan borcunu taksitlendirmesi 190 [guruş] muksitan edâya ta‘ahhüd, Ma‘rûz, Derûn-ı arzuhâlde mezkûr Manol zimmînin sâhib-i arzuhâl Yorgancı Mehmed Said’e Yorgancı eşyâsı semeninden lede’l-mürâfa‘a ikrârıyla sâbit olan iki yüz beş guruşun on guruşunu mezbûr Mehmed Said merkūm Manol yedinden ahz u kabz edip bâkī yüz doksan beş guruşu târîh-i i‘lâm-ı şehrî gurresinden her mâh tamâmında otuz guruş vermek üzere altı buçuk ay tamâmına değin tecîl eyledikde ol dahi ecel-i merkūm tamâmına dek deyn-i bâkī yüz doksan [120] beş guruşu müeccelen edâya ta‘ahhüd eylediği rızâlarıyla tescîl ve bi’l-iltimâs huzûr-ı âlîlerine i‘lâm olundu. Fî-gurreti Rebî‘ülevvel sene [11]80.