İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 263 Hüküm no: 269 Orijinal metin no: [121-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Artin’in Mahmud Efendizade dükkânında bulunan Bezzaz Hasan’dan almış olduğu gediği iade ve parasını geri alması Gedik bahasından 172,5 guruş istirdâd, Ma‘rûz, Arzuhâl eden Artin nâm zimmî meclis-i şer‘-i şerîfe ihzâr eylediği Bedestân etrâfında Mahmud Efendizâde dükkânında müsteciren bezzâz olan derûn-ı arzuhâlde mezkûrü’l-ism Hasan ile terâfu‘larında mezbûr Hasan müstecir olduğu dükkânının gediğini gedik olmak şartıyla bundan akdem yüz yetmiş iki buçuk guruşa bana bey‘ ve yüz yetmiş iki buçuk guruşu yedimden kabz edip lâkin bezzâz ustaları benim mezkûr gedikde ikāmetime râzı olmamalarıyla bey‘-i mezkûrun fesâdına binâen medfû‘um olan yüz yetmiş iki buçuk guruşu mezbûr Hasan’dan istirdâd ederim deyü da‘vâ, mezbûr Hasan dahi cevâbında mezkûr gediğini [122] ber-vech-i muharrer bey‘ ve meblağ-ı mezkûru kabzını ikrâr u i‘tirâf etmeğin mûcebiyle meblağ-ı mezkûr yüz yetmiş iki buçuk guruşun reddiyle mezbûr Hasan ilzâm olunduğu bi’l-iltimâs huzûr-ı âlîlerine i‘lâm olundu. Fî 2 Ra sene 1180.