İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 269 Hüküm no: 278 Orijinal metin no: [124-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bağcı İstefan’a zeytinyağı bedelinden olan borcunu ödemesi hususunda Aleksanderi’ye tenbih olunması 56 guruş hukūk Ma‘rûz, Arzuhâl eden Aleksanderi zimmînin hasmı Bağcı İstefan zimmî meclis-i şer‘-i hatîrde merkūm Aleksanderi ile terâfu‘larında merkūm Aleksanderi bundan akdem yedimden iştirâ ve kabz eylediği vezn ve mikdârı beynimizde ma‘lûm zeyt yağı semeninden yetmiş altı guruş hissemin yirmi guruşunu işbu meclisde hâzırân şerîklerime teslîm, ben dahi kabûl etmekle bâkī elli altı guruş hakkımı taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı mezkûr elli altı guruşun edâsıyla merkūm Aleksanderi şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 5 Ra sene [11]80.