İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 274 Hüküm no: 286 Orijinal metin no: [127-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahudi Yako, İsak ve diğer Yako’nun, Komidas’ın Yahudihanesi’nde kiralamış oldukları odaları tahliye etmeleri Odaları tahliye ve teslîm Ma‘rûz, Balat kapısı hâricinde vâki‘ arzuhâlde mezkûr Komidas nâm zimmînin Yahûdîhanesinde müşâhereten müstecirler olan hâmil-i arzuhâl Yako ve İsak ve diğer Yako meclis-i şer‘-i hatîrde merkūm Komidas ile terâfu‘larında merkūm Komidas müstecir olduğumuz Yahûdîhânenin icâre-i kadîmesini artırmak murâd etmekle derkenâr olunduğu üzere icâre-i kadîmesinden ziyâdeye kabûl etmeyiz deyü iddi‘â ve derkenâra nazar olundukda hân odaları icâresine mahsûs olup Yahûdîhâne icâresi kaydı olmayıp rızâlarına mevkūf olunmağla beynleri bulunmayıp mesfûr müstecirler târîh-i i‘lâm-ı şehrî gāyetinden fesh-i icâre ile sâkin oldukları odaları rızâlarıyla tahliye ve merkūm Komidas’a teslîme ta‘ahhüd etdikleri bi’l-iltimâs huzûr-ı âlîlerine i‘lâm olundu. Fî 8 Rebî‘ülevvel sene 1180.