İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 276 Hüküm no: 289 Orijinal metin no: [128-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Komyanaki’ye tütün bedelinden olan borcunu ödemesi hususunda Mehmed’e tenbihte bulunulması Duhân semeninden 100 [guruş] Arzuhâl eden tütüncü Komyanaki derkenâr olunduğu vech üzere Mehmed nâm kimesneden tütün semeninden iddi‘â eylediği yüz guruş hakkını ikrârına bir nefer şâhid ikāme ve şâhid-i âhar ikāmeti için imhâl olunmuş idi. Hâlâ merkūm Komyanaki mezbûr [129] Mehmed’in ikrâr-ı meşrûhuna tütüncüler içinde mahzende sâkin Ahmed b. Hüseyin nâm kimesneyi dahi ikāme, ol dahi edâ-yı şehâdet-i şer‘iyye etmekle nisâb-ı şehâdet tamâm olmağın şâhidân-ı mezbûrân mahâllerinden tezkiye olunup udûlden oldukları ihbâr olunmağla şehâdetleri mûcebince meblağ-ı mezbûr yüz guruşun edâsına merkūm Mehmed’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 7 Rebî‘ülevvel sene [11]80.