İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 278 Hüküm no: 292 Orijinal metin no: [130-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berberler esnafı yiğitbaşısı Mustafa’nın kendi isteği ile görevini İbrahim b. Mehmed’e terk etmesi Berberler Yiğitbaşılığı kasr-ı yed Ma‘rûz, Mahmiye-i İslambol’da vâki‘ Berberler esnâfının bilâ-ta‘yîn berat-ı âlîşân ile yiğitbaşısı olan es-Seyyid Mustafa b. Mehmed yiğitbaşılığı babası mahlûlünden hâl-i suğrunda merhameten üzerine tevcîh etdirip hâlâ on altı yaşında ve sin ve cüssesinin bülûğuna tahammülü olmağla bülûğunu ba‘de’l-i‘tirâf ve’l-ikrâr yiğitbaşılıkdan kasr-ı yed ve hüsn-i ihtiyârıyla esnâfın muhtârı olan İbrahim b. Mehmed’e ferâgat etmeğin mezbûr İbrahim dahi malından teberru‘an mezbûr es-Seyyid Mustafa’ya seksen guruş verip ve ba‘de’l-istihlâk da‘vâsından zimmetini ibrâ ve iskāt etmekle vech-i meşrûh üzere yiğitbaşılık-ı mezbûr es-Seyyid Mustafa’nın ferâğından mezbûr İbrahim’e tevcîh buyrulup yedine berat-ı âlîşân ihsân buyrulmak bâbında emr ü fermân hazret-i men-lehü’l-emrindir. Fî 10 Ra sene [11]80.