İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 279 Hüküm no: 293 Orijinal metin no: [130-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuzu eti satış fiyatının belirlenmesi Kuzuya narh, kıyye 1 fî 21[akçe] Ma‘rûz, Hamden lillâhi’r-rezzâk işbu sene-i mübârekede Âsitâne-i aliyye’ye kuzuların kesret üzere vürûdu ve lahm ü şahm cihetlerinden dahi kebîr ve cesâmeti olmağla ibâdullaha terahhümen si‘arının tenzîli için lisânen sâdır olan fermân-ı âlîlerine imtisâlen kasabbaşı ağa kulları ve kasablar kethüdâsı ve ihtiyârları dâ‘ihâneye ihzâr ve kuzu etinin narhı olan yirmi dört akçeden üç akçe tenzîl ile her vakiye kuzu etinin yirmi bir akçeye ibâdullaha bey‘ olunmak üzere tenbîh olundukda onlar dahi râzı olup ve işbu şehr-i Rebî‘ülevvel’in onuncu ehad gününden vech-i meşrûh üzere her kıyyesini yirmi bir akçeden ziyâdeye bey‘ etmemek üzere ta‘ahhüd eyledikleri huzûr-ı âlîlerine i‘lâm olundu. Fî 8 Rebî‘ülevvel sene 1180.