İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 279 Hüküm no: 294 Orijinal metin no: [131-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alembey Mescidi Evkafı eski mütevellisi Mehmed’in vakıftan talep ettiği paranın ödenmesinin vakfın müsait olduğu bir zamana tehir olunması Sâbıkā Alembey Vakfı’nın mütevellîsi olmağla vakıfdan taleb 750 [guruş] Ma‘rûz, Sâdır olan fermân-ı âlîlerine imtisâlen işbu arzuhâl ve derkenâra nazar olundukda nezâret-i dâ‘îlerinde olan evkāfdan Aksaray kurbünde Alembey mescid-i şerîfi evkāfı tevliyetini vazîfe-i mu‘ayyene ile bâ-mukābele hazîne-mânde ber-vech-i te’bîd sâhib-i arzuhâl el-Hâc Mehmed’in üzerinde iken umûr-ı vakfı sadâkat ile rü’yet etmeyip ashâb-ı vezâifin vazîfelerini dahi vermeyip azli lâzım gelmekle İstanbul Kādısı Bekir Efendi zamânında bin yüz yetmiş yedi Zilhiccesi’nin selhi günü tevliyet-i mezkûre erbâb-ı istihkākdan müderrisîn-i kirâmdan el-Hâc Musa Efendi’ye tevcîh ve hâlâ mezbûr el-Hâc Musa Efendi’nin üzerinde olup azlini mûcib hâl olmayıp ve mezbûr el-Hâc Mehmed’in taraf-ı vakf-ı mezbûrdan bi-şarti’r-rücû‘ iddi‘â eylediği yedi yüz elli guruşu ba‘de’s-sübût vakf-ı mezkûrda galle vukū‘una tevakkuf eylediği ma‘lûm-ı devletleri buyruldukda emr ü fermân hazret-i men-lehü’l-emrindir. Fî 8 Rebî‘ülevvel sene 1180.