İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 280 Hüküm no: 295 Orijinal metin no: [131-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Firuz Ağa mahallesi sakinlerinden Ayşe bt. Mehmed’in uygunsuz hareketleri nedeniyle mahalleden çıkarılması Ma‘rûz, Kırkçeşme kurbünde Firuz Ağa mahâllesi ahâlîleri ashâb-ı arzuhâl İmam Mehmed Efendi ve es-Seyyid Süleyman ve Ömer Ağa ve Mehmed Çelebi ve es-Seyyid Ahmed ve es-Seyyid Mustafa ve el-Hâc Osman ve el-Hâc İbrahim ve diğer Mehmed Çelebi meclis-i şer‘-i şerîfe ihzâr eyledikleri mahâlle-i mezbûrede sâkine zâtı mu‘arrefe ve arzuhâlde mezkûr Âişe bt. Mehmed’den kendi hâlinde olmayıp menziline muganniye avradlar cem‘ ve leyl ü nehâr âlet-i lehv ve savt-ı a‘lâ ile tegannî etmekle mezbûrenin bu vechile hareketinden müteezzî olup mezbûreden emniyetimiz yokdur deyü sû-i hâlini ihbâr ve mahâlle-i mezbûreden ihrâcını iltimâs eylediklerinde, mezbûre Âişe dahi rızâsıyla menzilini âhara fürûht ve mahâlle-i uhrâya nakle ta‘ahhüd etmekle kat‘-ı nizâ‘ eyledikleri iltimâslarıyla huzûr-ı âlîlerine i‘lâm olundu. Fî 11 Rebî‘ülevvel sene 1180.