İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 282 Hüküm no: 298 Orijinal metin no: [132-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm’ün Yorgancı Mehmed’e olan borcunun, kefili Hüseyin tarafından taksitle ödenmesi 158 [guruş] tecîl Ma‘rûz, Sâhib-i arzuhâl Hüseyin derûn-ı arzuhâlde mezkûr ve zâtı mu‘arrefe Ümmügülsüm nâm hatunun emriyle Yorgancı es-Seyyid Mehmed nâm kimesneye olan bâ-i‘lâm-ı şer‘î yüz elli sekiz guruş deynine kefil olmağla kefâleten edâ ve mezbûre Ümmügülsüm’e emrine binâen rücû‘ edip lâkin mezbûre Ümmügülsüm mu‘dime ve mu‘sire olmağla meblağ-ı mezbûru meclis-i şer‘-i şerîfde lede’l-mürâfa‘a kefili mezbûr Hüseyin’den istîcâl etmekle, ol dahi târîh-i i‘lâm şehri gurresinden her şehr tamâmında dörder guruş verilmek üzere otuz dokuz buçuk ay tamâmına dek tecîl eyledikde mezbûre Ümmügülsüm dahi müddet-i mezkûre tamâmına dek deyn-i mezkûr yüz elli sekiz guruşu mezbûr Hüseyin’e edâya ta‘ahhüd eylediği rızâsıyla tescîl ve bi’l-iltimâs huzûr-ı âlîlerine i‘lâm olundu. Fî 12 R sene [11]80.