İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 282 Hüküm no: 299 Orijinal metin no: [132-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Fırıncı Ali’nin, küçük yaştaki oğullarına olan borcunu ödemesi hususunda Osman’a tenbihte bulunulması Ekmekçi Fırını icâresinden 180 [guruş] Ma‘rûz, Cağalazâde kurbünde vâki‘ ma‘lûmü’l-hudûd fırının tasarrufu müteveffâ Ali Ağa nâm kimesnenin iki nefer evlâd-ı sıgārı üzerlerinde ve gediği dahi üç hisse i‘tibârıyla bir hissesi Fâtıma nâm hatun tasarrufunda ve iki hissesi dahi el-Hâc Osman nâm kimesne üzerinde olmağla sagīrân-ı mezbûrânın vasîleri tarafından vekîli zâtı mu‘arrefe diğer Fâtıma meclis-i şer‘-i hatîrde mezbûr el-Hâc Osman ile terâfu‘larında mezkûr fırını vasiyy-i mezbûrdan [133] mezbûr el-Hâc Osman’ın müstakillen her şehr on yedişer guruş ücret kavliyle isticâr ve kabûlünden yetmiş dokuz senesi Recebi gāyetine gelince dokuz aylıkdan bâkī yüz on dokuz guruş ve gāyet-i mezkûreden seksen senesi Muharremi gāyetine gelince icâre-i mezkûreden sülüsân hissesi için altmış bir guruş seksen akçe ki cem‘an yüz seksen guruş ve seksen akçe mezbûr el-Hâc Osman’ın sagīrân-ı mezbûrâna deyni olduğu ikrâr u i‘tirâfıyla sâbit olmağın ikrârı mûcebince meblağ-ı mezkûr yüz seksen guruş ve seksen akçenin edâsıyla mezbûr el-Hâc Osman ilzâm olunduğu bi’l-iltimâs huzûr-ı âlîlerine i‘lâm olundu. Fî 12 Rebî‘ülevvel sene 1180