İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 290 Hüküm no: 312 Orijinal metin no: [137-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’a hakaret ve iftira eden Salih b. Ali’ye tazir uygulanması Ta‘zîr, Ma‘rûz Zâtı ta‘rîf-i şer‘î ile mu‘arrefe olan sâhibe-i arzuhâl Âişe bt. el-Hâc İsmail nâm hatun meclis-i şer‘-i hatîrde derûn-ı arzuhâlde mezkûrü’l-ism el-Hâc Salih b. el-Hâc Ali mahzarında mezbûr el-Hâc Salih târîh-i i‘lâmdan bir gün mukaddem kendi menzilimde bi-gayrı hakkın bana kârhâneci ve orusbu ve vilâyetinden fi’l-i şenî‘ ederek geldin deyü bi’l-muvâcehe şetm etmekle mûceb-i şer‘îsin taleb ederim deyü ba‘de’d-da‘vâ ve’l-inkâr müdde‘iye-i mezbûre Âişe Hatun ber-vech-i muharrer müdde‘âsını lede’t-tezkiye udûlden idükleri ihbâr olunan Mehmed Efendi b. Ebubekir ve Kömürcü Mehmed Efendi b. Mustafa nâm kimesneler şehâdetleriyle isbât, lâkin mezbûre Âişe afîfe olduğu müteyakkın olmayıp hadd-i kazf münderî olmağla mûcebince merkūm el-Hâc Salih’e ta‘zîr lâzım geldiği tescîl ve huzûr-ı âlîlerine i‘lâm olundu. Fî 20 Rasene [11]80.