İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 291 Hüküm no: 313 Orijinal metin no: [137-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Depremde zarar gören Ayasofya-i kebir Vakfı’ndan Balkapanı Hanının tamir olunması Balkapanı Hanı’nın Sokağı Ma‘rûz, Ayasofya-i kebîr Vakfı’ndan Balkapanı Hanı’nın yağ yedekleri ve bal potnaları ve sâir emti‘â-i tüccâr vaz‘ olunagelen saçakları altı ve zîr-i zemîn mahzenleri ve gayrı mahâlleri zelzeleden rahne-yâb olup ve köşelerinde münhedim olan odaların enkāzı tarîk-i âmmı işgāl edip ve bu esnâda eşyâ-yı mezkûrenin kesret üzere vürûdu zamânı olmağla yedek ve potna nakli için tarîk-i âmmı tathîr ve zehâir-i mütenevvi‘a hıfzına mu‘ad olan mahâllerin bir an akdem ta‘mîri lâzıme-i hâlden olmağla iktizâ edenlere fermân-ı âlîleri sudûru re’y-i savâb olduğu huzûr-ı âlîlerine i‘lâm olundu. Fî 21 Rebî‘ülevvel sene 1180.