İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 294 Hüküm no: 318 Orijinal metin no: [139-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avratpazarı Ekmekçisi Zafir’in damadı Gaspar’da olan alacağının tahsili Cihet-i kefâletden 314 [guruş] Ma‘rûz, Avratpazarı ekmekçisi Zafir zimmî meclis-i şer‘-i hatîrde Güveyisi Gaspar nâm zimmî muvâcehesinde merkūm Gaspar’ın Kartal ekmekçisi olan Kirkor zimmîye ekmek bahasından üç yüz on dört guruş ve bir rub‘ ve yine emriyle kefil olup ve meblağ-ı mezkûru merkūm Kirkor benden taleb ve da‘vâ ve şer‘an ahz etmekle ben dahi emrine binâen mekfûlün-bih olan meblağ-ı mezkûr ile merkūm Gaspar’a rücû‘ ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı mezkûr üç yüz on dört guruş ve bir rub‘un edâsıyla merkūm Kasper şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 24 Rebî‘ülevvel sene 1180.