İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 295 Hüküm no: 320 Orijinal metin no: [140-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boğazkesen kalesinde hapis bulunan Berber İbrahim’in serbest bırakılması Itlâk Ma‘rûz, Arzuhâl eden Berber İbrahim’in fî-mâ-ba‘d kendi hâlinde olup hilâf-ı şer‘-i şerîf hareket etmemek üzere nefsine Terziler Kârhânesi Câmi‘i Hatîbi Süleyman Efendi b. Musa, Düğmeci İbrahim b. Ali ve Kayınatası Mehmed b. Abdüsselam ve üveyi babası es-Seyyid Ömer b. Halil’den her biri kefil ve kefâletleri tescîl olundukdan sonra ihtiyâten kıbel-i şer‘-i şerîfden Kâtib Mahmud Efendi dâ‘îleri irsâl, ol dahi ümenâ-yı şer‘le mezbûr İbrahim’in mahâllesi olan Gülcâmi‘ mahâllesine varıb mahâlle-i mezbûre İmamı diğer Süleyman Efendi b. Ali ve ahâlîsinden Berber es-Seyyid Mustafa ve Börekçi Mehmed ve Ahmed ve Attâr el-Hâc Süleyman ve es-Seyyid Mehmed ve Süleyman Odabaşı ve Hâfız Mustafa ve mütevellî el-Hâc Yusuf ve Kasab Eyüb ve Ahmed ve Çörekçi İsmail ve Osman ve İsmail nâm on dört nefer Müslimîn mezbûr İbrahim için derkenâr olunduğu vech üzere Muharrem’in yedinci gününden beri Boğazkesen Kal‘ası’nda te’dîb olunup salâhı zâhirdir deyü ihbâr ve afv u ıtlâkını istid‘â eylediklerini mezbûr dâ‘îleri gelip inhâ eylediği ber-mûceb-i fermân-ı âlî huzûr-ı âlîlerine i‘lâm olundu. Fî 23 Rebî‘ülevvel sene 1180.