İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 302 Hüküm no: 331 Orijinal metin no: [144-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi İbrahim’in buğday bedelinden bazı şahıslara olan borçlarını ödemesi hususunda tenbihte bulunulması Hınta semeninden 330 [guruş] hukūk Ma‘rûz, Bahçekapısı hâricinde Ekmekçi İbrahim b. Mehmed’in Kapan tüccârından el-Hâc Süleyman’dan iştirâ eylediği altı yüz altı keyl hınta semeninden bâkī iki yüz yetmiş beş buçuk guruş ve on iki para ve el-Hâc Bekir’e yetmiş sekiz keyl hınta semeninden kırk bir guruş ve Ahmed Yazıcı’ya iki yüz keyl hınta semeninden yüz beş guruş ve Balatlı el-Hâc İsmail’e yüz on yedi keyl hınta semeninden altmış bir guruş on yedi para ve Mehmed Yazıcı’ya yüz sekiz keyl hınta semeninden kırk sekiz buçuk guruş ve dört para ve Yusuf’a yetmiş beş keyl hınta semeninden otuz üç buçuk guruş ve bir rub‘ deyni olduğu lede’l-murâfa‘a mezbûr İbrahim’in ikrâr u i‘tirâfıyla sâbit olmağın mûcebiyle zikr olunan esmânın edâsıyla mezbûr İbrahim ilzâm olunduğu bi’l-iltimâs huzûr-ı âlîlerine i‘lâm olundu. Fî 26 Ra sene 1180.