İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 308 Hüküm no: 341 Orijinal metin no: [147-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Ahmed’in, kiralamış olduğu mahzenin kirasını ödemeyen Süleyman b. Mehmed ile sözleşmesini feshetmesi Kemerci mahzeninden fesh-i icâre Ma‘rûz, Ayvansaray kurbünde sâkin Mehmed b. Ahmed meclis-i şer‘-i hatîrde mahâll-i mezkûrda vâki‘ ma‘lûmü’l-hudûd kemerci mahzeninde müşâhereten müsteciri Süleyman b. Mehmed ile terâfu‘larında mezbûr Süleyman mahzen-i mezkûrda her şehr yüz elli üçer para icâre kavliyle müstecirim olup işbu seksen senesi Muharrem ve Safer ve Rebî‘ülevvel aylıkları olan dört yüz elli dokuz para zimmetinde olmağla icâre-i mezkûre ile gāyet-i şehirden fesh-i akd-i icâre etmemle mahzen-i merkūmu dahi tahliye ve bana teslîm eylesin deyü ba‘de’d-da‘vâ ve’l-istintâk ve’l-ikrâr mûcebiyle üç aylık icâre-i mezkûre ile gāyet-i şehirde mahzen-i merkūmu tahliye ve müdde‘î-i mezbûr Mehmed’e teslîm etmek üzere mezbûr Süleyman ilzâm olunduğu bi’l-iltimâs huzûr-ı âlîlerine i‘lâm olundu. Fî-selhi Rebî‘ülevvel sene 1180.