İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 309 Hüküm no: 343 Orijinal metin no: [148-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Topbaş mahallesi Avarız Vakfı’ndan olup depremde zarar gören menzilin, mutasarrıfları olan Ayşe Hatun ve Fatıma Hatun tarafından tamir olunması Fenâî kurbünde keşf-i menzil Ma‘rûz, Sâdır olan fermân-ı âlîlerine imtisâlen savb-ı şer‘-i enverden irsâl olunan müderrisîn-i kirâmdan keşf nâibimiz es-Seyyid Halil Efendi hâssa mi‘mârlarından Abdullah ve Ahmed Halîfeler ile Fenâî kurbünde Topbaş mahâllesinde vâki‘ mahâlle-i mezbûre avârız vakfından zelzeleden inhidâma mâil Âişe Hatun ve Fâtıma Hatun ibneteyi’l-Hâc Abdurrahman Efendi tasarruflarında bir bâb menzil ve tahtında ve ittisâlinde taraf-ı vakıfdan icâre-i vâhide ile icâr olunan bir kepenk bakkāl dükkânı üzerine varıp kābil-i süknâ olmayacak mertebe müşrif-i harâb olduğunu ba‘de’l-mu‘âyene bakkāl dükkânı üzerinde olan fevkānî iki bâb oda ittisâlinde kâin bir bâb oda ve tahtında mahzen ve ittisâlinde terbî‘an yirmi sekiz zirâ‘ ve altı parmak yine mahzen mahâlli zikr olunan bakkāl dükkânı müştemilâtından olup mâ‘adâ ebniye ve havlu bi’l-cümle menzil-i mezbûr müştemilâtından olduğu gerek mütevellî-i vakf-ı mezbûr el-Hâc Abdurrahman b. Mehmed ve gerek mezbûretân Âişe Hatun ve Fâtıma Hatun’dan her birinin ikrârlarıyla müte‘ayyin ve sâbit oldukdan sonra her biri rızâlarıyla tasarruflarında olan mahâlleri ta‘mîre ta‘ahhüd eylediklerini mezbûr dâ‘îlerini mahâllinde tahrîr ve gelip ümenâ-yı şer‘le inhâ eyledikleri huzûr-ı âlîlerine i‘lâm olundu. Fî 25 Safer sene 1180.