İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 314 Hüküm no: 350 Orijinal metin no: [150-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lefkoşe Kadısı Müslimzade Mehmed Said Efendi’nin eşkıyaların elinden kurtarılan eşyalarının listesi Lefkoşe kādısı efendinin nehb [ü] gāret olunan eşyâsına kayyım nasb olunan defterdir Hâlâ Kıbrıs cezîresinde Lefkoşe kādısı olan Müslimzâde Mehmed Said Efendi’nin esnâ-i tarîkde Karaman’da İshaklı kurbünde kapusu eşkıyâsı eşyâsını nehb ü gāret etmekle hâlâ Aksaray sancağı Mutasarrıfı Ali Paşa’nın eşkıyâ-yı mezbûrdan yedlerinden istirdâd ve ahz ve irsâl eylediği eşyâ paşa-i mûmâ-ileyhin çukadârı yediyle Der-aliyye’ye vâsıl olmağla İstanbul’da Koğacıdede mahâllesinde sâkin efendi-i mûmâ-ileyhin emîni Ahmed Efendi b. İsmail eşyâ-yı mezkûreyi kabza ve efendi-i mûmâ-ileyhe irsâl için kayyım nasb olunup eşyâ-yı mezkûreyi teslîm etmek için kıbel-i şer‘den irsâl olunan Kâtib Ali Efendi dâ‘îleri hâlâ Kethüdâ-i sadr-ı âlî’ye mahsûs odaya varıp müşârün-ileyh hazretleri huzûrunda ma‘rifetleriyle tahrîr ve yed-i kayyım-ı mezbûra teslîm olunan eşyâ-yı mezkûre defteridir ki ber-vech-i âtî zikr olunur. Fi’l-yevmi’l-hâmis min-şehri Rebî‘i’l-âhir li-sene semânîn ve mi’ete ve elf. Meneviş şâlîye kaplı bol yenli cedîd sincab kürk 1 aded Turuncu keremsûda kaplı müsta‘mel biniş kākum kürk 1 aded Müsta‘mel şâlî çakşır 1 aded [151] Sîm ser-i nargile ve polat diblik ma‘a marpuç 1 aded Köhne saçaklı 1 aded Delâil-i hayrât ma‘a köhne kebe 1 aded Ali Efendi Fetâvâsı 1 aded Bir zirâ‘ Şam alacası 1 aded Kutnî kıt‘ası zirâ‘ 1 aded