İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 323 Hüküm no: 363 Orijinal metin no: [156-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcunu ödemesi hususunda Yani v. Dimitri’ye tenbihte bulunulması İlzâm, 370 guruş, Ma‘rûz, Alacahamam kurbünde Boyacı tâifesinden Panayot v. Dimitraki tarafından sâbitetü’l-vekâle vekîli Kostanti zimmî meclis-i şer‘-i hatîrde tâife-i mezbûreden olup hâlâ Bursa’dan gelen Yani v. Dimitri muvâcehesinde mezbûr Yani iki buçuk sene mukaddem müvekkilim merkūm Panayot yedinden Fazlı Paşa Sarayı’nda üç yüz yetmiş guruş iktirâz ve kabz ve istihlâk edip merkūm Yani hâlâ Bursa’dan gelip zarâr bulmağla meblağ-ı mezkûru bi’l-vekâle taleb ederim deyü ba‘de’d-da‘vâ ve’l-inkâr müdde‘î-i merkūm müdde‘âsını lede’t-tezkiye beynlerinde oldukları ehl-i İslâm ihbârlarıyla müte‘ayyin olan Yenikapı’da mütemekkin İstati v. Yani ve Eskimengene’de Boyacı Diyami v. Yani nâm zimmîler şehâdetleriyle isbât etmeğin mûcebiyle meblağ-ı mezkûr üç yüz yetmiş guruşun edâsına merkūm Yani’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 9 min-Rebî‘ülâhir sene 1180.