İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 344 Hüküm no: 394 Orijinal metin no: [168-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zülfikar Efendi Vakfı’ndan olan menzilde Maryora’nın alakası olmadığı Zülfikar Efendi Vakfı’ndan Nısf Menzil Ma‘rûz, Şahsı mu‘arrefe sâhibe-i arzuhâl Maryora sâdır olan fermân-ı âlîlerine imtisâlen derûn-ı zabıtda mezkûr Zülfikar Efendi Vakfı’nın mütevellîsi İbrahim Bey’i meclis-i şer‘-i şerîfe ihzâr ve tekrâr murâfa‘alarında mezbûre Maryora hâlik-i merkūm Dimitri’nin sulbiye kızı olup lâkin hâlike-i merkūme Gevheriye’nin sadriye kızı olmayıp üvey kızı olmağla menzil-i mezkûrun nısfında aslâ alâkası olmadığını menzil-i mezkûra vâzı‘ü’l-yed olan diğer Dimitri huzûrunda ikrâr u i‘tirâf etmeğin mûcebiyle mezbûre Maryora menzil-i mezkûr için bi-gayrı vech-i şer‘î mu‘ârazadan men‘ olunduğu mübâşiri çavuş kulları iltimâsıyla huzûr-ı âlîlerine i‘lâm olundu. Fî 24 Rebî‘ülâhir sene [11]80.