|
Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 113 Hüküm no: 114 Orijinal metin no: [18a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Fâtıma bt. Abdullah’ın kocası Receb ile anlaşarak boşandığı (muhâla‘a)
Medîne-i mahmiye-i Kostantıniyye mahallâtından Könbekçi Sinan Mahallesi’nde sâkine Fâtıma bt. Abdullah nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup râfi‘-i hâze’l-kitâb Receb b. Gülâbî nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt dört bin akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Fâtıma bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti.
Cerâ zâlike ve hurrire fî-gurreti Zilka‘deti’ş-şerîfe li-sene selâse ve sittin ve elf.
Şuhûdü’l-hâl: Süleyman Çelebi b. Ali, Mehmed Beşe b. Süleyman, Ferhad b. Ahmed, Ramazan b. Hanefi, Hüseyin b. Mehmed
|