|
Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 114 Hüküm no: 115 Orijinal metin no: [18a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Havva bt. Himmet’in kocası Mustafa ile anlaşarak boşandığı (muhâla‘a)
Medîne-i Bursa el-mahrûse mahallâtından Oruç Bey Mahallesi’nde sâkine Havvâ bt. Himmet nâm hatun kıbelinden âti’z-zikr hul‘ ve ibrâya vekâleti kendisini ma‘rifet-i şer‘iyye ile ârifân olan İbrahim b. Himmet ve Ahmed b. Mehmed’in şehâdeti ile sâbit bulunan Mehmed b. Halil nâm kimse meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzır olup râfi‘-i hâze’l-kitâb Mustafa b. Abdullah nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt bin beş yüz akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Havvâ bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti.
Cerâ zâlike ve hurrire fi’s-sâlis min-Zilka‘de li-sene selâse ve sittin ve elf.
Şuhûdü’l-hâl: Mustafa b. Ali, Ahmed Bey b. Ali, Rıdvan Beşe b. Abdullah, Hasan Çelebi b. Hürrem ve gayruhum mine’l-hâzırîn
|