İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 354 Hüküm no: 409 Orijinal metin no: [174-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali’nin vefat eden İranlı Ali’nin varisi olduğu iddiasıyla Hatice bt. Abdullah’dan miras talebi Cerîdeden derkenâr, Cerîdeden ihrâc Vech-i âtî üzere iddi‘â-yı verâset eden sâhib-i arzuhâl Ali şehr-i Rebî‘ülâhirin yirmi altıncı Çarşamba günü Arz Odası’nda huzûr-ı âlîlerinde ma‘kūd meclis-i şer‘-i enverde Peykhâne kurbünde sâkin iken bu sene Hacc-ı şerîfde vefât eden Acemiyyü’l-asl diğer Ali b. Çalık Mehmed b. Abdullah nâm mu‘takın zevce-i menkûhası olmağla [175] terekesinin rub‘una farzan ve selâse-i erbâ‘ına dahi vasiyye-i muhtâresi olmağla vesâyeten vâzı‘atü’l-yed olan zâtı mu‘arrefe arzuhâlde mezkûr Hadîce bt. Abdullah mahzarında müteveffâ-yı mezbûr Ali benim ile li-ebeveyn karındaş olup babamız ismi Çalık Mehmed ve dedemiz ismi Abdullah ve anamız ismi Fâtıma bt. Abdullah ve maskat-ı re’simiz diyâr-ı İran’da Revan kazâsına tâbi‘ Tepe nâm karye olmağla müteveffâ-yı mezbûrun verâseti benim ile zevcesi mezbûreye münhasıra ve terekesinin selâse-i erbâ‘ına ben müstahık olmamla taleb ederim deyü bi’d-da‘vâ ve’l-inkâr müdde‘î-i mezbûr beyyine-i âdile ikāmetine havâle olunduğu cerîdede mazbûtdur. Fî 3 Ca sene [11]80.