İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 355 Hüküm no: 411 Orijinal metin no: [175-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Unkapanı’na gelen buğdayın kimlere ne kadar dağıtıldığının ekmekçiler defterine kaydedilmesi Habbâz tâifesinin kol defteri için emir Bâ-sah İstanbul kādısı fazîletlü efendi Kapan-ı dakīk’e vürûd eden hıntanın telef ü serefden sıyâneti ve lüzûmu olmayan mahâllere sarfdan ve âhar mahâlle nakilden vikāyeti matlûb olunduğuna binâen keyfiyet-i tevzî‘in tafsîli vech-i zâbıtası ma‘lûm olmak iktizâ etmekle nizâm ustalarının kol defterlerinin fehm olunacak vechile kapan nâibi efendi ma‘rifetiyle bir sûretini tahrîr ve beher yevm her değirmene mikdâr-ı hisse tarh ve tevzî‘ olunur ve mavnalar ile değirmenlere nakil olunan hıntalar kaç hisse olmak üzeredir, her biri isim ve resmiyle beyan olunarak defterin tastîr etdirip arz eyleyesin deyü [buyruldu]. Fî 5 Ca sene 1180.