İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 356 Hüküm no: 412 Orijinal metin no: [175-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb Hatun’un menzil satışının geçersiz olduğu Menzil-i mezkûr sâhib-i evveline red oluna. Ma‘rûz, Nezâret-i dâ‘îlerinde olan evkāfdan Muhaşşî Sa‘di Efendi Vakfı’ndan Koca Mustafa Paşa Câmi‘i kurbünde Hâce Kadın mahâllesinde vâki‘ ma‘lûmü’l-hudûd bir bâb menzil sâhibe-i arzuhâl Zeyneb bt. Yusuf’un üzerinde iken cünûn-ı mutbık ile mecnûne olmağla kıbel-i şer‘-i şerîfden mansûb vasîsi karındaşı Mehmed Efendi bin yüz yetmiş yedi senesinde zevcesi arzuhâlde mezkûre Âişe bt. Abdurrahman üzerine ferâgat etmekle hâlâ mezbûre Zeyneb’e ifâkat [176] gelip mezbûre Âişe ile Çarşamba günü dîvân-ı âlîde ve dâ‘îhânede vakf-ı mezkûr mütevellîsi Mehmed Arif Efendi tarafından vekîli hâzır olduğu hâlde lede’l-murâfa‘a vasiyy-i mezbûrun zevcesine ferâğı mu‘teber olmamağla mezbûre Âişe menzil-i mezkûru sâhibe-i ûlâsı müdde‘iye-i mezbûre Zeyneb’e bâ-re’y-i mütevellî ferâğ olunmak iktizâ eylediği bi’l-iltimâs huzûr-ı âlîlerine i‘lâm olundu. Fî 4 Ca sene 1180.