İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 363 Hüküm no: 424 Orijinal metin no: [180-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Bey Vakfı kâtipliği görevinin İsmail Bey’den alınarak mütevelli Mustafa’ya verilmesi Ma‘rûz, Mahmiye-i İslambol’da nezâret-i dâ‘îlerinde olan evkāfdan Elmas Paşa Birâderi demekle ma‘rûf İbrahim Bey Vakfı’nın evlâdiyet [ve] meşrûtiyet üzere mütevellîsi olan sâhib-i arzuhâl el-Hâc Mustafa Çarşamba günü Arz Odası’nda huzûr-ı âlîlerinde ma‘kūd meclis-i şer‘-i şerîfde mezkûrun yevmî bir akçe vazîfe ile kitâbetini babası el-Hâc Mehmed mahlûlünden üzerine berat etdiren arzuhâlde mezbûr İsmail ile murâfa‘alarında mütevellîsi olduğum vakfın vâkıfı olan ceddim mezbûr İbrahim Bey Vakfiyesi’nde vakfının tevliyet ve kitâbetini tefrîk etmeyip aslah evlâdından olanlara tevliyet ve kitâbetini ma‘an şart edip ve şart-ı mezkûr üzere mütevellî olan kimesne vakf-ı mezkûrun tevliyetiyle kitâbetini dahi rü’yet etmek lâzım iken mezbûr İsmail hilâf-ı şart-ı vâkıf kitâbet-i mezkûreyi babası mahlûlünden üzerine berat etdirmekle ben şart-ı vâkıf üzere kitâbeti dahi taleb ederim deyü bir vakfiye ibrâz ve nazar olundukda vâkıf-ı mezkûr fi’l-hakīka tevliyet ile kitâbeti tefrîk etmeyip ma‘an rü’yet olunmasını şart ve ta‘yîn etdiği mücerred ve mezbûr İsmail dahi şart-ı vâkıf minvâl-i muharrer üzere olduğunu ikrâr u i‘tirâf etmekle ikrârı mûcebince kitâbet-i mezkûre üzerinden ref‘ ve ber-mûceb-i şart-ı vâkıf mütevellî-i mezbûr el-Hâc Mustafa tevcîh buyrulmak iktizâ eylediği bi’l-iltimâs huzûr-ı âlîlerine i‘lâm olundu. Fî 11 Ca sene 1180.