İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 374 Hüküm no: 440 Orijinal metin no: [187-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Çelebi ile Arnavut Süleyman’ın birbirlerinin zimmetlerini ibra etmeleri Karaman Fırını destgâhtârından da‘vâ eylediği iki yüz guruşdan ibrâ Ma‘rûz, Arzuhâl eden Uncu Hasan Çelebi meclis-i şer‘-i hatîrde derûn-ı arzuhâlde mezkûr Karaman Fırını destgâhdârı Arnavud Süleyman’dan dakīk bahasından iddi‘â eylediği iki yüz elli üç guruşdan meccânen fâriğ olup ve da‘vâsından mezbûr Süleyman’ın zimmetini ibrâ ve iskāt etdikde ol dahi mezbûr Hasan Çelebi’ye gedik akçesi nâmıyla verdiği yüz altmış guruşu istirdâd ve kabz edip beynlerinde ma‘lûm altı aylık hizmetinin ecr-i misline ve sâir beynlerinde cereyân eden cemî‘ ahz u i‘tâya müte‘allıka de‘âvîden mezbûr Hasan Çelebi’nin zimmetini ibrâ ve iskāt edip birbiri kıbelinde vechen mine’l-vücûh hakları kalmadığını ikrâr ve kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 26 Ca sene 1180.