İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 381 Hüküm no: 451 Orijinal metin no: [191-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Mustafa’nın Mehmed Efendi’ye olan borcunu ödemesi gerektiği Ma‘rûz, Sâhib-i arzuhâl el-Hâc Mehmed Efendi meclis-i şer‘-i hatîrde derûn-ı arzuhâlde mezkûrü’l-ism Berber Mustafa ile terâfu‘larında mezbûr Mustafa zimmetinde işbu yedimde olan temessük mantûkunca cihet-i şer‘-îden elli guruş alacak hakkım olmağla taleb ederim deyü da‘vâ, mezbûr Mustafa dahi cevâbında temessük kendinin olduğunu ikrâr, lâkin müdde‘î-i merkūm Mehmed Efendi’ye cihet-i mezkûreden deynim olmayıp kâziben ikrâr etmiş idim deyü ikrârında kâzib olmadığına istihlâf ve mezbûr Mehmed Efendi’ye alâ-kavli men-yerâh ber-vech-i muharrer yemîn teklîf olundukda ol dahi alâ-vefkı’l-mesûl yemîn etmeğin mûcebiyle meblağ-ı mezkûr elli guruşun edâsıyla mezbûr Berber Mustafa ilzâm olunduğu bi’l-iltimâs huzûr-ı âlîlerine i‘lâm olundu. Fî 4 Cemâziyelâhire sene 1180.