İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 386 Hüküm no: 459 Orijinal metin no: [194-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Ahmed’in, Kürkçü Norsis’te olan alacağını kefili olan annesinden taleb etmesi Kürkçü Norsis’den taleb, 500 [guruş] Ma‘rûz, Zâtı mu‘arrefe sâhibe-i arzuhâl Fâtıma bt. Ahmed nâm hatun meclis-i şer‘-i şerîf-i enverde derûn-ı arzuhâlde mezkûre ve şahsı mu‘arrefe Şahzâde bt. Kirkor nâm Nasrâniye muvâcehesinde benim cihet-i karz-ı şer‘îden bâ-temessük merkūme Şahzâde’nin oğlu Kürkçü Norsis zimmetinde beş yüz guruş hakkıma bir sene mukaddem kendi menzilinde merkūme Şahzâde kefil ve zâmin olmağla meblağ-ı merkūmu taleb ederim deyü da‘vâ ve merkūme Şahzâde cevâbında meblağ-ı merkūm beşyüz guruşa kefâlet-i meşrûhasını ikrâr edip ikrâhla olmuş idi deyü da‘vâya tasaddî, lâkin ikrâh-ı mu‘teberi şer‘an beyana kādir olmamağla ikrârı mûcebiyle bi-hükmi’l-kefâle meblağ-ı merkūmun edâsıyla merkūme Şahzâde şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 11 C sene 1180.