İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 389 Hüküm no: 465 Orijinal metin no: [196-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hapiste bulunan Mitro’nun Osman’a olan borcunu taksitle ödemeyi kabul ettiğinden serbest bırakılması Mukassatan edâya ta‘ahhüd eylemeye hapisden ıtlâk Ma‘rûz, Derkenârda mezkûrü’l-ism tablakâr Mitro zimmînin dâyini Osman meclis-i şer‘-i hatîrde merkūm Mitro zimmetinde mahkûmün-bih olan üç yüz altmış guruş hakkını mukassatan edâ olunmasına râzı olmağla merkūm Mitro dahi iki yüz altmış yedi guruşunu işbu Receb-i şerîf gurresinde ve bâkī doksan dokuz guruşunu her şehr üçer guruşdan otuz üç ay tamâmına dek edâya ta‘ahhüd etdikde mezbûr Osman dahi vech-i muharrer üzere deyn-i mezkûru taksît etmeğin hapisden ıtlâk buyrulmasını istid‘â eylediği iltimâsıyla huzûr-ı âlîlerine i‘lâm olundu. Fî 12 C sene 1180.