İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 397 Hüküm no: 478 Orijinal metin no: [201-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sadrazam sarayı mumcusu Molla Osman’ın saray için gerekli olan yağı istediği tüccardan almasına izin verilmesi Paşakapısı Mumcusu dilediği bazergândan almak üzere mürâsele Fahrü’l-müderrisîni’l-kirâm hâlâ Yağkapanı’nda nâibimiz efendi -dâme muvaffakan- Ba‘de’t-tahiyye inhâ olunur ki Saray-ı hazret-i Sadr-ı a‘zamîye lede’l-iktizâ kadr-ı kifâye donyağını tevzî‘den hâric alınmak memnû‘âtdan olmağla hîn-i tevzî‘de kifâyet mikdârı donyağını mumcu olan işbu bâ‘isü’l-mürâsele Molla Osman tevzî‘e dâhil dilediği yağı bazergânından alageldiğini mumcular kethüdâsı ve ustaları ve sâir vukūfu olan kimesneler ihbârlarıyla işbu mürâsele tahrîr ve irsâl olunmuşdur. İmdi Saray-ı hazret-i Sadr-ı a‘zamîye kifâyet mikdârı iktizâ eden donyağını dâhil-i tevzî‘ olan yağdan hangi bazergândan dilerse âhar mumcular mümâna‘at etmeyip mezbûr Osman’a iştirâ etdire ve’s-selâm. Fî 17 C sene [1]180.