İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 404 Hüküm no: 491 Orijinal metin no: [206-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman’ın Azablar Fırıncısı Ali’ye olan borcunu ödemesi [206 numaralı sayfanın başındaki metin defterin en sonundaki listenin devamı olduğu için defterin sonuna nakledilmiştir] Azablar fırıncısına destgâhdârı Ma‘rûz Sâhib-i arzuhâl Süleyman Unkapanı’nda Azablar’da vâki‘ derûn-ı arzuhâlde mezkûr el-Hâc Ali’nin fırınında destgâhdârı olmağla yirmi sekiz aydan beri emriyle nes’eten âhara bey‘ eylediği nân-ı azîz bahasından yedi yüz yetmiş iki buçuk guruşun beşyüz on iki buçuk guruşunu beynlerinde ma‘lûm on nefer tablakârdan havâle ve altmış guruşu dahi nakden meclis-i şer‘-i şerîfde lede’l-murâfa‘a teslîm ve bâkī iki yüz guruşu mârrü’z-zikr yirmi sekiz ayda ecr-i misli mukābelesinde kabûl ve takās ve ecr-i misline müte‘allıka âmme-i da‘vâdan mezbûr el-Hâc Ali’nin zimmetini ibrâ ve iskāt etdikde ol dahi mezbûr Süleyman’ı tasdîk ve ibrâsını kabûl ve kat‘-ı nizâ‘ eyledikleri bi’l-iltimâs huzûr-ı âlîlerine i‘lâm olundu. Fî 17 min-Şevvâl sene 1179.