İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 407 Hüküm no: 494 Orijinal metin no: [208-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kavala Dizdarı Ahmed Ağa’nın ümmü veledi Sezayi’nin, hastalığı nedeniyle Eyüp’te Mehmed Odabaşı’nın menzilinde iskân edildiği Kavala Dizdarı Bey ümm-i veledi evlâdını taleb Ma‘rûz, Sâbıkā Kavala Dizdarı olmağla hâlâ Kavala’da sâkin Ahmed Ağa nâm kimesnenin ümm-i veledi zâtı mu‘arrefe arzuhâl eden Sezayi nâm câriye Çarşamba günü huzûr-ı âlîde ma‘kūd meclis-i şer‘-i şerîfe ihzâr etdirdiği arzuhâlinde mezkûrü’l-ism Balkapanı’nda attâr el-Hâc Süleyman mahzarında mevlâm olan mezbûr Dizdar Ahmed Kavala’ya gider olduğu hâlde beni hamlim ile işbu mezbûr el-Hâc Süleyman’a îdâ‘ ve menzilinde iskân etmiş idi. Hâlâ ben hamlimi vaz‘ edip Hüseyin tesmiye eylediğim sagīri irzâ‘ üzere iken sagīr-i mezbûru yedimden alıp ve beni menzilinden ihrâc etmekle sagīr-i mezbûru taleb ederim deyü teşekkî etdikde mezbûr [209] el-Hâc Süleyman dahi mezbûre için emrâz-ı sâriyeye mübtelâ olmağla sagīr-i mezbûru almış idim deyüp yine mürü’eten mezbûr el-Hâc Süleyman mezbûrenin marazına ilâc etdirmek üzere sagīr[i] mezbûreye verip ve Eyüb’de Yenimahalle’de me’mûn olduğu Mehmed Odabaşı’nın menzilinde iskân ve mezbûr Dizdar’a mektûb tahrîr ve ne vechile re’y ederse ona göre hareket etmek üzere kat‘-ı münâza‘a eyledikleri mübâşiri çavuş kulları iltimâsıyla huzûr-ı âlîlerine i‘lâm olundu. Fî 17 min-Şevvâl sene [1]179.