İstanbul Mahkemesi 33 Numaralı Sicil (H. 1183-1185 / M. 1769-1770) cilt: 77, sayfa: 74 Hüküm no: 31 Orijinal metin no: [11a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sekiz aydan beri kayıp olan Gözlemeci Mustafa’nın kapalı olan dükkânının açılarak kayyıma devrolunan eşyasının defteri Bi’t-taleb kıbel-i şer‘den mürsel Kâtib Ali Efendi İslambol’da Balıkpazar sûkunda vâki‘ bir bâb gözlemeci dükkânına varıp dükkân-ı mezbûrede müste’cir olup sekiz ay mukaddem firâr ve gaybet-i münkatı‘a ile gāib olup hayat ve memâtı ma‘lûm olmayan Gözlemeci Mustafa’nın dükkân-ı merkūm derûnunda terk eylediği eşyâyı tahrîr için dükkân-ı merkūmun mutasarrıfı el-Hâc Ahmed kendi nefsinden asîl ve âhar mutasarrıfesi zevcesi Ümmügülsüm tarafından vekîl-i müsecceli olmağla asâleten ve vekâleten talebi ve sâdır olan fermân-ı âlî ve bir kıt‘a i‘lâm-ı şer‘î mûceblerince dükkân-ı merkūm ahâlî-i sûk muvâcehelerinde küşâd ve derûnunda zuhûr eden gedik ta‘bîr olunur eşyâ gāib-i merkūmun hâli mütebeyyin oluncaya değin emîn ve mu‘temed olduğu ihbâr olunan mezbûr el-Hâc Ahmed kıbel-i şer‘den kayyım nasb ü ta‘yîn ve yedine teslîm eylediği eşyâ defteridir ki ber-vech-i âtî zikrolunur. Fi’l-yevmi’s-sâbi‘ aşer mine’l-Muharremi’l-harâm li-sene erba‘a ve semânîn ve mie ve elf. Fıçı 2 aded Müsta‘mel Yanbolu kebesi 3 aded Kıyma satırı 1 aded Kıyma tahtası 1 aded Soğan satırı 1 aded Köhne yasdık 1 aded Tekne 1 aded Bakır sini 3 aded Kulplu tâbe 1 aded Sac 1 aded Lenger 1 aded Maşraba 1 aded Sahan 1 aded Demir kürek 1 aded Leğen ma‘a ibrik 1 aded Hamîr kavanası 1 aded Piş-tahta 1 aded Hamîr kazıyacak âlet 1 aded Balta 1 aded Kaşık sepeti 1 aded Rende 1 aded Kasnak 1 aded İskemle 1 aded Tabla 1 aded Hamîr terâzisi 2 aded Ağaç terâzi 1 aded Köhne bıçak 1 aded Su koğası 2 aded Merdâne 1 aded Kutu 1 aded Âyine zarfı 1 aded Kıyma tâbesi 1 aded Toprak? küpü 1 aded Destgâh 1 aded Köhne destgâh 1 aded Hatab Çeki 1 aded Şuhûdu’l-hâl: Çörekciler Yiğitbaşısı Mehmed Çelebi b. Ahmed, Berber Halil Beşe b. Mehmed, İsmail b. Süleyman, Mücellid Ali Efendi b. el-Hâc Süleyman.