İstanbul Mahkemesi 33 Numaralı Sicil (H. 1183-1185 / M. 1769-1770) cilt: 77, sayfa: 116 Hüküm no: 73 Orijinal metin no: [28a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın Burgaz [Lüleburgaz] kazasındaki bazı emlâk ve arazisini satıp bazısının da kullanım hakkını devrettiği Mahmiye-i İslambol’da Sofular mahallesinde sâkin Mehmed Ağa b. el-Hâc Ahmed nâm kimesne meclis-i şer‘-i şerîf-i enverde işbu bâ‘isü’l-kitâb diğer Mehmed Ağa b. Mustafa mahzarında ikrâr-ı tâm ve takrîr-i kelâm edip işbu bir kıt‘a hüccet-i şer‘iye nâtıka olduğu üzere yedimde mülküm olup vilâyet-i Rumeli’nde Burgos kazâsına tâbi‘ Vaye nâm karyede vâki‘ lede’l-ahâlî ve’l-cîrân ma‘lûmü’l-hudûd ve’l-müştemilât bir bâb harâb çiftlik ta‘bîr olunur mülk menzilimi ve derûnunda mevcûde ber-mûceb-i defter-i müfredât evân-ı nuhâs ve ma‘lûmü’l-aded manda öküzü ve karasığır öküzü ve karasığır ineği ve buzağı ve dana ve hergele bargiri ve tay ve hımâr ve koyun ve manda ineği ve kuzu ve ma‘lûmü’l-aded araba ve saban demiri ve tırpan ve yas-dık ve minderimi ve yine kazâ-i mezbûra tâbi‘ Mandıra ta‘bîr olunur kezâlik beyne’l-ahâlî ma‘lûmü’l-hudûd ve’l-müştemilât çiftlik ta‘bîr olunur harâb mülk menzilimi ve derûnunda mevcûde ma‘lûmü’l-aded saban emiri ve bakraç ve tay ve manda ineği ve karasığır öküzümü tarafeynden îcâb ve kabûlü hâvî şurût-ı müfsideden ârî bey‘-ı bâtt-ı sahîh-i şer‘î ve safka-i vâhide ile mezbûr diğer Mehmed Ağa’ya beş yüz guruşa bey‘ ve temlîk ve tapu ile tasar-rufumda olup çiftlik-i evvel-i mezkûr tarlalarından Turna Gölü karşısında vâki‘ bir tarafdan depe ve iki tarafdan çalılık ve bir tarafdan göl ve bir tarafdan tarîk-i âm ile mahdûd seksen keyl tohum isti‘âb eder tarla ve def‘a Turna Gölü’nde vâki‘ üç tarafı göl ve bir tarafdan tarîk-i âm ile mahdûd doksan keyl tohum isti‘âb eder tarla ve yine Kara Kostaoğlu’nun pınarı başında vâki‘ bir tarafdan dere ve iki tarafdan çalılık ve bir tarafdan tarîk-i âm ile mahdûd sek-sen keyl tohum isti‘âb eder tarla [28b] ve yine Karagöz toprağında vâki‘ bir tarafdan çalılık ve bir tarafdan göl ve bir tarafdan tarîk-i âm ile mahdûd kırk keyl tohum isti‘âb eder tarla ve yine karye-i mezbûr karşısında vâki‘ bir tarafdan çayır ve bir tarafdan mezarlık ve bir tarafdan tarîk-i âm ile mahdûd sek-sen keyl [tohum] isti‘âb eder arpa tarlası ve yine karye-i mezbûre dibinde vâki‘ bir tarafdan İstemat Çorbacı tarlası ve bir tarafdan kernek ve bir tarafdan tarîk-i âm ile mahdûd iki yüz keyl tohum isti‘âb eder tarla ve yine göl başında vâki‘ bir tarafdan zimmî Hezârî ve bir tarafdan göl ve bir tarafdan Karayu-nus yolu ve bir tarafdan tarîk-i âm ile mahdûd iki yüz keyl tohum isti‘âb eder tarla ve yine Karaağaçlar karşısında vâki‘ bir tarafdan çalılık ve bir tarafdan Kiryaki tarlası ve ba‘zen göl ve bir tarafdan tarîk-i âm ile mahdûd otuz beş keyl tohum isti‘âb eder tarla ve yine Karayunus’da vâki‘ bir tarafdan çayırlık ve bir tarafdan Kara Kostaoğlu tarlası ve ba‘zen Kilerci Abdullah tarlası ve Karlu tarlası ve bir tarafdan tarîk-i âm ile mahdûd yetmiş keyl tohum isti‘âb eder buğday tarlası ve yine Karayunus’da vâki‘ köprü başında vâki‘ bir tarafdan Hasköy odun yolu ve bir tarafdan Uzun Mehmed çayırı ve ba‘zen Kara İbrahim çayırı ve dere ve bir tarafdan tarîk-i âm ile mahdûd on dönüm çayır ve def‘a Karayunus’da vâki‘ bir tarafdan Yusuf Ağa çayırı ve bir ta-rafdan Kara İbrahim Ağa çayırı ve ba‘zen Mehmed Efendi çayırı ve bir tarafdan tarîk-i âm ile mahdûd yirmi beş dönüm büyük çayır ve def‘a Karayu-nus’da vâki‘ bir tarafdan Kara İbrahimoğlu çayırı ve bir tarafdan Yusuf Ağa çayırı ve bir tarafdan Mehmed Efendi çayırı ve ba‘zen ırmak ve bir taraf-dan tarîk-i âm ile mahdûd on dönüm çayırlar ki cem‘an dokuz yüz keyl [tohum] isti‘âb eder tarla ve çayırlarımı çiftlik-i sânî-i mezkûrun tarlalarından karye-i mezbûre dibinde vâki‘ bir tarafdan Karadepe yolu ve bir tarafdan Zako tarlası ve bir tarafdan orman ve bir tarafdan tarîk-i âm ile mahdûd on dört keyl tohum isti‘âb eder tarla ve yine Poza’da vâki‘ bir tarafdan Bayorko tarlası ve bir tarafan İstoyani zimmî tarlası ve ba‘zen su yolu ve bir tarafdan tarîk-i âm ile mahdûd otuz keyl tohum isti‘âb eder Kızılca tarlası ve yine Paşa Mandırası’nda vâki‘ üç tarafdan orman ve bir tarafdan tarîk-i âm ile mahdûd yirmi sekiz keyl tohum isti‘âb eder tarla ve yine Sazlı karyesi yolunda vâki‘ [bir] tarafdan Atnas karyesi ve bir tarafdan Nikola tarlası ve bir tarafdan tarîk-i âm ile mahdûd on sekiz keyl tohum istiba eder buğday tarlası ve yine Düğecik’de vâki‘ bir tarafdan İstamo tarlası ve bir tarafdan Pano tarlası ve ba‘zen orman ve Büyükçiftlik tarlası ve bir tarafdan tarîk-i âm ile mahdûd otuz keyl tohum isti‘âb eder tarla ve yine Karayunus’da vâki‘ iki tarafdan Büyükçift-lik tarlaları ve ba‘zen orman ve bir tarafdan tarîk-i âm ile mahdûd on keyl tohum isti‘âb eder alef tarlası ve yine Karayunus’da vâki‘ [bir] tarafdan Zako ve Atnaş ve Pofço tarlaları ve bir tarafdan tarîk-i âm ile mahdûd sekiz keyl tohum isti‘âb eder çavdar tarlaları ve yine Karayunus’da vâki‘ bir tarafdan Panço tarlası ve ba‘zen orman [29a] ve bir tarafdan tarîk-i âm ile mahdûd otuz keyl tohum isti‘âb eder Kütüklü tarlası ve yine karye-i mezbûrede vâki‘ ba‘zen orman ve bir tarafdan tarîk-i âm ile mahdûd sekiz keyl tohum isti‘âb eder Çalı tarlası ve yine zikrolunan Karayunus’da vâki‘ bir tarafdan Salih Ağa tarlası ve bir tarafdan Panço tarlası ve ba‘zen ırmak ve bir tarafdan tarîk-i âm ile mahdûd otuz keyl tohum isti‘âb eder çayır tarlası ve yine karye-i mezbûrede vâki‘ iki tarafdan ırmak ve bir tarafdan Yerkesimi? ve ba‘zen Büyükçiftlik çayırı ve bir tarafdan tarîk-i âm ile mahdûd tahmînen yirmi dönüm çayır ki cem‘an iki yüz yirmi altı keyl tohum isti‘âb eder tarla ve çayırlarımız bâ-ma‘rifet-i sahib-i arz mezbûr diğer Mehmed Ağa’ya bin guruş bedel mukābelesinde ferâğ-ı mu‘teber-ı kat‘î ile ferâğ ve tefvîz ve herbirisini mahallerinde kabz ve tasarrufa tarafımdan taslît eylediğimde mezbûr diğer Mehmed Ağa dahi ber-vech-i muharrer iştirâ ve temellük ve tefevvüz ve kabûl eyledikden sonra semen-i mezkûr beş yüz guruş [ve] bedel-i mezkûr bin guruş ki cem‘an bin beş yüz guruşu mezbûr diğer Mehmed Ağa yedinden bi’t-tamam ve’l-kemâl ahz u kabz eyledim ba‘de’l-yevm zikrolunan iki aded çiftlik cümle tevâbi‘ ve levâhıklarıyla ve derûnlarında olan eşyâ ve hayvanât ve âlât-ı sâire mezbûr diğer Mehmed Ağa’nın mülk-i müşterâsı ve hakk-ı sırfı ve sâlifü’l-beyân tarla ve çayırlar dahi dâhil-i havza-i tasarrufu olup asla ve kat‘a benim alâka ve medhalim kalmamışdır keyfe mâ yeşâ ve yahtâr mutasarrıf olsun dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 6 Rebî‘ülâhir sene 1184. Şuhûdu’l-hâl: es-Seyyid Abdülhalim Efendi b. es-Seyyid Ahmed, Kuzâtdan Mehmed Emin Efendi b. Abdüllatif, Salih Efendi b. Mehmed, Süleyman Ağa b. Mehmed, Mehmed Emin Odabaşı b. Süleyman, Yek-çeşm Mehmed Ağa b. Abdullah, el-Hâc Mehmed Ağa kethudâ-yı sadr-ı sâbık Ali Paşa.