İstanbul Mahkemesi 33 Numaralı Sicil (H. 1183-1185 / M. 1769-1770) cilt: 77, sayfa: 162 Hüküm no: 120 Orijinal metin no: [44a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aneştice bt. Yorgi’nin bazı eşyasını babasına sattığı Mahmiye-i İstanbul’da Abdi Subaşı mahallesinde mütemekkine ve şahsı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Aneştice bt. Yorgi nâm Nasrâniye meclis-i şer‘-i hatîr-i lâzımü’t-tevkīrde babası hâmilü’r-rakīm Yorgi v. Hristo nâm zimmî muvâcehesinde ikrâr-ı tâm ve takrîr-i kelâm edip mâlike olduğum eşyâmdan on çatma kadife yasdık ve üç minder ve bir döşek ve üç köşe yasdığı ve bir leğen ma‘a-ibrik ve iki ayaklı sandık ve iki yağlık ve üç uçkur ve bir yüz yasdığı ve üç çatkı ve üç baş yemenîsi ve üç iş makramesi ve bir mükemmel hamam rahtı ve iki baş havlusu ve bir çift incili na‘lînimi tarafeynden îcâb ve kabûlü hâvî şurût-ı müfsideden ârî bey‘-ı bâtt-ı kat‘î ve safka-i vâhide ile babam merkūm Yorgi zimmîye yüz guruşa bey‘ ve temlîk ve teslîm eylediğimde ol dahi ber-vech-i muharrer iştirâ ve temellük ve tesellüm ve kabz ve kabûl eylediğinden sonra semeni olan meblağ-ı mezbûr yüz guruşu mutâlebesinde ve bi’l-cümle husûs-ı mezkûra müte‘allika âmme-i de‘âvî ve kâffe-i mutâlebât ve eymân [ve] muhâsamâtdan babam müşteri-i merkūm Yorgi’nin zimmetini ibrâ ve ıskāt eyledim fîmâ-ba‘d eşyâ-i muharrere-i mezkûre babam mersûm Yorgi’nin mal-ı müşterâsı ve hakk-ı sırfı olup kat‘an benim alâka ve medhalim kalmamışdır keyfe mâ yeşâ ve yahtâr mutasarrıf olsun dedikde gıbbe’t-tasdîk mâ-vaka‘a bi’t-taleb ketb olundu. Fi’l-yevmi’t-tâsi‘ aşer min-Şa‘bâni’l-mu‘azzam li-sene erba‘a ve semânîn ve mie ve elf. Şuhûdu’l-hâl: Ali Çelebi b. Abdullah, Mustafa b. Ahmed el-muhzır, Du‘âcı Eyüb b. Ali, Osman b. Mehmed, es-Seyyid Mehmed b. Abdülkadir, Molla Musa b. ( ).