İstanbul Mahkemesi 33 Numaralı Sicil (H. 1183-1185 / M. 1769-1770) cilt: 77, sayfa: 262 Hüküm no: 224 Orijinal metin no: [72a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Burgucu esnafının talebi üzerine kethudâları Mustafa’nın azlolunarak yerine Osman Usta’nın tayin olunduğu Âsitâne-i aliyye’de vâki‘ burgucu esnâfının yiğitbaşıları Mehmed b.Hasan ve müsinn ü ihtiyârlarından Mustafa b. Ali ve Hasan b. Abbas ve Osman b. Hüseyin ve Mustafa b. Mehmed ve Halil b. Ahmed ve Feyzullah b. İbrahim ve Osman b. Ömer ve Mehmed b. İsmail nâm kimesneler meclis-i şer‘-i şerîf-i enverde herbiri takrîr-i kelâm edip işbu hazır bi’l-meclis Mustafa b. Mustafa kethudâmız olup lâkin pîr ve ihtiyâr ve umûr-ı esnâfı nizâm-ı kadîmimiz üzere idâreye adem-i kudretinden nâşî tekâsül etmekle mezbûr Mustafa azl ve yerine her vechile kethudâlık umûrunu idâreye kādir ve cümlemizin muhtârı olan işbu hazır bi’l-meclis Osman b. Ömer kethudâ nasb ü ta‘yîn olunmak matlûbumuzdur deyü iltimâs eylediklerinde hâkim-i muvakkı‘-ı sadr-ı kitâb tûbâ lehû ve hüsnü-meâb hazretleri iltimâsları üzere mezbûr Mustafa Usta’yı kethudâlıkdan azl ve yerine esnâf-ı mezbûrûn muhtârları olan işbu bâ‘isü’l-kitâb mezbûr Osman Usta b. Ömer’i esnâf-ı mezbûreye kethudâ nasb u ta‘yîn buyurduklarında ol dahi kabûl ve merâsimini kemâ-yenbegī idâreye ta‘ahhüd etmeğin işbu vesîka-i enîka bi’t-taleb ketb ü imlâ olundu. Fî 20 min-Cumâdelâhire sene 1185. Şuhûdu’l-hâl: el-Hâc Mustafa b. Mehmed, Osman b. Abdullah, İsmail b. Ali, Muhzırân Kethudâsı Mehmed Ağa.