İstanbul Mahkemesi 33 Numaralı Sicil (H. 1183-1185 / M. 1769-1770) cilt: 77, sayfa: 263 Hüküm no: 226 Orijinal metin no: [72b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eskici tâifesinin talebi ile Halil Usta’nın üzerlerine kethudâ tayin olunduğu Âsitâne-i aliyye’de eskici tâifesinin yiğitbaşıları es-Seyyid İbrahim b. Ahmed ve müsinn ü ihtiyârlarından es-Seyyid Mustafa b. Osman ve Halil b. Hüseyin ve Ahmed b. Şaban ve Mustafa b. Osman ve Halil b. Ali ve Mehmed b. Ali ve Hasan b. Hasan ve Süleyman b. Hüseyin, Ahmed b. İbrahim ve Mehmed b. Ali ve Halil b. Ömer ve Mehmed b. İsmail ve Hamza b. Ali ve Mehmed b. Ali ve Veliyüddin b. Habib ve Osman b. İbrahim ve Mehmed b. Mustafa ve İbrahim b. Yusuf ve Ali b. Mehmed ve Veliyüddin b. Hüseyin nâm Müslim ustalar ile zimmî ustalarından köşe ustaları David ve Hannas ve Kirkor v. Sahak ve Kirkor v. Agop ve Lazari v. Yuvan ve tâife-i merkūmeden Panatos v. Bedros ve Agop v. Arzuman ve Melkon v. Gaspar ve Anbarson v. Şöhret ve Kazer v. Artin ve Haçador v. Sefer ve Agop v. Avanis ve Toros v. Karabet [73a] ve Manik v. Haçuk ve Atnaş v. Ohan ve Avak v. Kazer ve Bedros v. Minet ve Sinan v. Vartarik ve Serkiz v. Toros ve Kirkor v. Bogos ve Simyon v. Bedros ve Manik v. Karabet ve İsayi v. Netmek ve Asvador v. Minas ve Ohan v. Yani ve Arsanes v. Serkiz ve Karabet v. Artin ve Atanaş v. Sahak ve Toros v. Nörsis ve Asvador v. Agop ve Kiragos v. Erik ve sâirleri meclis-i şer‘-i şerîf-i enverde herbiri takrîr-i kelâm ve ta‘bîr ani’l-merâm edip mukaddemâ bâ-hüccet-i şer‘iye kethudâmız olan [kimse] bir müddetden beri terk edip kethudâlık umûru mu‘attal kalmağla beynimizde vâki‘ olan umûr [ve] mesâlihimiz rü’yet ve nizâmımız temşiyet için bir kethudâ nasbından lâ-büd olmağın işbu hazır bi’l-meclis Halil Usta b. Ömer cümlemizin muhtârı ve örf ve âdetimize vâkıf ve nizâm ve intizâmımızı idâreye her vechile kādir olmağla cümlemiz ittifâkıyla üzerimize kethudâ nasb ü ta‘yîn olunmak matlûbumuzdur deyü iltimâs etmeleriyle hâkim-i muvakkı‘-ı sadr-ı kitâb [rafa‘a] kadrehû mevlâhü’l-vehhâb hazretleri dahi işbu sahibü’l-kitâb mezbûr Halil Usta’yı kıbel-i şer‘-i enverden tâife-i mezbûreye kethudâ nasb ü ta‘yîn buyurduklarında ol dahi kabûl ve hizmet-i lâzımesini ikāmetde ikdâm ve ihtimâm edip ve işbu hazır bi’l-meclis Yusuf Usta b. Osman dahi ba‘zen tâife-i mezbûrenin umûr ve husûslarına muâvenete ta‘ahhüd etmeğin mâ vaka‘a bi’t-taleb ketb olundu. Fî 25 Cumâdelâhire sene 1185. Şuhûdu’l-hâl: Kethudâ-yı Muhzırân Mehmed Ağa b. Ahmed, İsmail Çelebi b. Ali, Ali Çelebi b. Abdullah, el-Hâc Mustafa b. Mehmed.