İstanbul Mahkemesi 33 Numaralı Sicil (H. 1183-1185 / M. 1769-1770) cilt: 77, sayfa: 264 Hüküm no: 227 Orijinal metin no: [73a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kanarya kafesi yapan tâifenin talebi ile Halil Usta’nın üzerlerine kethudâ tayin olunduğu Âsitâne-i aliyye’de vâki‘ kanarya kafesi tasnî‘ eden tâifeden Seyyid Mustafa b. Mehmed ve Hüseyin b. Ahmed ve Ahmed b. Mehmed ve Mustafa b. Musa ve Feyzullah b. Ahmed ve sâirleri meclis-i şer‘-i şerîf-i enverde herbiri ikrâr ve takrîr-i kelâm edip mukaddemâ bâ-hüccet-i şer‘iye kethudâmız olan Ahmed Usta fevt olup kethudâlık umûru mu‘attal kalmağla beynimizde vâki‘ olan umûr [ve] mesâlihimizi rü’yet için bir kethudâ nasbından lâ-büd olmağla işbu hazır bi’l-meclis Halil Usta b. Yusuf cümlemizin muhtârı ve nizâm ve intizâmımızı idâreye her vechile kādir olmağın cümlemiz ittifâklarıyla üzerimize kethudâ nasb ve ta‘yîn olunmak matlûbumuzdur deyü iltimâs etmeleriyle hâkim-i muvakkı‘-ı a‘le’l-kitâb -rafa‘a kadrehû mevlâhü’l-vehhâb- hazretleri dahi işbu sahibü’l-kitâb mezbûr Halil Usta’yı kıbel-i şer‘-i enverden tâife-i mezbûreye kethudâ nasb ü ta‘yîn buyurduklarında ol dahi kabûl ve hidemât-ı lâzımesini kemâ-yenbagī ikāmete ta‘ahhüd etmekle mâ vaka‘a bi’t-taleb ketb olundu. Fî 26 Cumâdelâhire sene 1185. Şuhûdu’l-hâl: el-Hâc Mustafa b. Mehmed, Osman b. Hamza, Ali b. Abdullah, Muhzırân Kethudâsı Mehmed Ağa.